هو في ايه ؟؟؟ ده سؤال على لسان الجميع
في حالة من العراك الالكتروني خصوصاً على صفحات التويتر والفيس بوك
في حالة من تصيد الأخطاء حالة إثبات وجود كل فصيل عايز يقول أنا موجود
قلت نعم ولا لأ في الإستفتاء ...........اتحولت انت مع الدين ولا مش مع الدين
ودلوقتي حتنزل يوم 27 تبقى علماني وليبرالي وعايزها حرب اهلية !!!!!!!!!!!!!!
وفيديو للشيخ الحويني بيتكلم عن السبايا والعبيد بس الفيديو بقاله 14 سنة تقريبا والشيخ قال ان الكلام أخذ بره السياق وده منطقي اكيد الشيخ مش قصده ان احنا نطلع روسيا ننشر الإسلام ونجيب سبايا نبيعهم في سوق النخاسه ممكن اكون مش بسمع الشيخ ومش باخد كل أراءه لكن مش معنى كده اني افتري عليه ده اسمه تصيد اخطاء وبرده ناس تجيب كلمتين من فيديو للبرادعي او عمرو حمزاوي وتلاقي هجوم بشع بيطلع الراجل في الآخر علماني ليبرالي كافر ملحد عليك اللعنة ماينفعش يا جماعة بجد
احنا كده بنهدم دولة مش بنبني المشكلة دي حتواجهنا في كل حاجه بعد كده والجيش بصراحه حطنا في مأزق سخيف وربط الدستور بالانتخابات التشريعية يعني في ناس حتفتكر دلوقتي انها لو صوتت لمرشح علماني حيحط دستور يلغي الحجاب أو الأذان وناس ثانية حتفتكر إنها لو صوتت للمرشح الإسلامي اننا كلنا حنلبس نقاب وعبايات ونبقى زي السعودية !!!!!!!!!!
مع ان المهم اننا نصوت للمرشح اللى حيخدم البلد دي بجد مش حينام في المجلس او يقعد زي إزازة الخل ملوش لازمة
نرجع نقول هو في ايه ؟ الشرطة رجعت ولا لأ ولا البلطجي بطل يخاف من البوليس ولا البوليس كان متعود على نظام ولما اتغير فشل ومش عارف يشتغل او مش عايز !!!!!!!!!!؟؟؟؟؟؟؟؟؟؟؟
والحوار الوطني قلب بخناقه صحيح الديمقراطية إنك تسمع كل الأراء ولكن برده إزاي يكون حوار وطني بأشخاص قامت ثورة للتخلص من أمثالهم وحتى اللى كان ملوش دعوه بسياسات الحزب هو كان زمان ساكت وحيفضل ساكت نظريته عاش الملك مات الملك يعني ملوش لازمه في أي حوار لأنه بيهلل وبس
البلد بقت عاملة زي التورته كل فصيل عايز ياخذ حته واحنا لسه مابدأناش العيد ميلاد
في حالة من العراك الالكتروني خصوصاً على صفحات التويتر والفيس بوك
في حالة من تصيد الأخطاء حالة إثبات وجود كل فصيل عايز يقول أنا موجود
قلت نعم ولا لأ في الإستفتاء ...........اتحولت انت مع الدين ولا مش مع الدين
ودلوقتي حتنزل يوم 27 تبقى علماني وليبرالي وعايزها حرب اهلية !!!!!!!!!!!!!!
وفيديو للشيخ الحويني بيتكلم عن السبايا والعبيد بس الفيديو بقاله 14 سنة تقريبا والشيخ قال ان الكلام أخذ بره السياق وده منطقي اكيد الشيخ مش قصده ان احنا نطلع روسيا ننشر الإسلام ونجيب سبايا نبيعهم في سوق النخاسه ممكن اكون مش بسمع الشيخ ومش باخد كل أراءه لكن مش معنى كده اني افتري عليه ده اسمه تصيد اخطاء وبرده ناس تجيب كلمتين من فيديو للبرادعي او عمرو حمزاوي وتلاقي هجوم بشع بيطلع الراجل في الآخر علماني ليبرالي كافر ملحد عليك اللعنة ماينفعش يا جماعة بجد
احنا كده بنهدم دولة مش بنبني المشكلة دي حتواجهنا في كل حاجه بعد كده والجيش بصراحه حطنا في مأزق سخيف وربط الدستور بالانتخابات التشريعية يعني في ناس حتفتكر دلوقتي انها لو صوتت لمرشح علماني حيحط دستور يلغي الحجاب أو الأذان وناس ثانية حتفتكر إنها لو صوتت للمرشح الإسلامي اننا كلنا حنلبس نقاب وعبايات ونبقى زي السعودية !!!!!!!!!!
مع ان المهم اننا نصوت للمرشح اللى حيخدم البلد دي بجد مش حينام في المجلس او يقعد زي إزازة الخل ملوش لازمة
نرجع نقول هو في ايه ؟ الشرطة رجعت ولا لأ ولا البلطجي بطل يخاف من البوليس ولا البوليس كان متعود على نظام ولما اتغير فشل ومش عارف يشتغل او مش عايز !!!!!!!!!!؟؟؟؟؟؟؟؟؟؟؟
والحوار الوطني قلب بخناقه صحيح الديمقراطية إنك تسمع كل الأراء ولكن برده إزاي يكون حوار وطني بأشخاص قامت ثورة للتخلص من أمثالهم وحتى اللى كان ملوش دعوه بسياسات الحزب هو كان زمان ساكت وحيفضل ساكت نظريته عاش الملك مات الملك يعني ملوش لازمه في أي حوار لأنه بيهلل وبس
البلد بقت عاملة زي التورته كل فصيل عايز ياخذ حته واحنا لسه مابدأناش العيد ميلاد
ليست هناك تعليقات:
إرسال تعليق