تخيلوا معايا يا جماعة إننا كلنا راكبين أتوبيس كبير إسمه مصر وقائد الأتوبيس ده طبعا كان حسني مبارك بقاله 30 سنه قاعد على كرسي القائد يحدد نمشى يمين ولا شمال وسرعة الاتوبيس وكمان لو حب ينزل حد من الاتوبيس ينزله ماهو القائد وفي ايده كل حاجه بس بصراحة هو كان راجل طيب عمره ما نزل حد من الاتوبيس هو كان لما حد يضايقة او يفكر يغلط فيه كان بيحبسه في حمام الأتوبيس .................. ما علينا
المهم القائد والمقربين والحزب بتاعه كان قاعدين في 3\4 الاتوبيس وبقية الشعب قاعد في الربع والشعب كان راضي وقنوع على فكرة مع انه اتزنق واتخنأ والقائد لامهم علشان الزيادة السكانية بس برده كانوا ساكتين لغاية ما قررت مجموعة انه لأ وان الوضع ده غلط وقرروا ينزلوا من الاتوبيس وقعدوا في الطريق وقالوا مش مكملين احنا زهقنا من الراجل ده لانه مش عارف يسوق وكمان بيخلي ابنه يسوق وحيدخل بينا في حارة سد
جزء كبير من ركاب الاتوبيس اقتنع برأيهم ونزل معاهم وكمان التفكير الحكيم لقائد الأتوبيس والناس بتاعته ساعد على ده لأن حلوله تمثلت انه كان يدوس عليهم او يمشي ويسيبهم لان ده الاتوبيس بتاعه
وجزء ثاني من الركاب اتضايق منهم لأنهم لما نزلوا والأتوبيس وقف خرجت المساجين اللى كانت محبوسه في سجن الاتوبيس وبقى الاتوبيس مش أمان لأنه اتوبيس إلكتروني يا جماعة اول ما وقف السجون فتحت اوتوماتيك انتم ناسيين انه اتوبيس الحكومة الإلكترونية
مش حاطول عليكم في الآخر و بالعافية قام قائد الأتوبيس من على كرسي القيادة وقعد على الكرسي اللى جنب الشباك عشان يشم ريحة البحر وبدأنا مرحلة جديدة
1- الشعب قرر ينتشر في الاتوبيس لان الربع كان ضيق قوي بصراحة واللى كانوا قاعدين في الكراسي الواسعة في ناس عرفت تنزل بدري بدري وناس في السجن وناس مستخبيين في الزحمة
2- كل اتوبيس وليه كتالوج يا جماعة اسمه الدستور يعني بيحدد قدرات الاتوبيس وسرعته وحنمشي في اي طريق ومين اللى حينظم العملية دي كده يعني وطبعا احنا كنا عايزيين نلغي كل الكتالوج ده ونعمل واحد جديد بس في ناس اعترضت وقالت كده حنضطر نوقف الاتوبيس تاني وده حيعطل البلد احنا نغير شوية مواد اساسية ونمشى كده براحتنا على سرعة 40 ونبقى نغير الباقي واحنا ماشيين علشان مانتعطلش وفعلا اتعمل استفتاء على ده والناس قالت yessssssssssssssss
3- الناس اللى قالت لا ماكانوش مقتنعين بالمبدأ ده هما كانوا شايفين ان مفيش مشكلة لو وقفنا كام ساعة وممكن مانضطرش نقف خالص ونغير مرة واحده ونخلص ونمشي بقه في الطريق الصح من الاول بدل ماندخل في طريق غلط في النص وساعتها حنتعطل اكثر
4 - في ناس للأسف ماكنتش عارفة تقول ايه وفي ناس كسلت تفهمهم واتبعوا مبدأ الغاية تبرر الوسيلة يعني قولوا نعم علشان الإستقرار أو علشان تنصروا الإسلام أو علشان كل الناس الكويسة بتقول لا والوحشين بيقولوا اه وبرده قولوا لا علشان دم الشهداء وعلشان الإخوان قالوا اه وعلشان تقول لأ مرة في حياتك المهم في الآخر راح قال لا أو نعم علشان ........... هما اللى قالولي
5- عموما الامر الواقع ان النتيجة نعم ولازم نتقبل ده ونتعامل معاه لأن في الآخر الاغلبية الصامتة او الكاسحة قالت كده وبعدين حنعمل ايه بقه اقولكم حنعمل انتخابات برلمانية ورئاسية علشان نقدر نعمل دستور جديد حتكون ميزته ان اللجنة اللى حتعمله منتخبة يعني بتعبر عن الشعب بس المهم ان الاغلبية اللى حتختار المجلس تروح تقول اللى هي عايزة تقوله مش اللى بيقولولها تقوله ونتخلص من جملة هما اللى قالولي ............ ما علينا
6- المشكلة بقه ان الجيش بيقول ان دستور 71 ملوش وجود وحنشتغل باعلان دستوري مؤقت لغاية ما تتم الإنتخابات بس قواعد الإنتخابات البرلمانية موجودة في الدستور يعني مثلا الدستور بيحدد ان نص الأعضاء المنتخبين في مجلس الشعب و مجلس الشورى عمال وفلاحين وعدد الدوائر الإنتخابية والشروط الواجب توافرها في المرشح و الرئيس حيعين كام عضو فهل الإعلان الدستوري حيغطي النقط دي وبعد ما يتم تغيير الدستور والشروط دي ممكن تتغير هل حيبقى في اعضاء وجودهم غير شرعي طيب ساعتها حنعمل ايه حنعمل مجلس شعب و شورى ثاني وانتخابات ثانية ولا حنتغاضى عن اي تغييرات تخص الموضوع ده !!!!!!!!!!!!!!
7- مش مهم المهم ان الناس مبسوطة وفي انتخابات برلمانية قريب والناس حتبدأ تحضر نفسها بقة ده تقريباً اهم برلمان في تاريخ مصر ده اللى حيحط الدستور حيبقى في صراع ومنافسة شرسة في البرلمان ده من كل الفئات وبكل الطرق وفي ناس حتختار بهدوء وتفكر في الأصلح وفي ناس مش حتعرف تختار مين وحتحتار وحتستنى حد يقولها يعني شيخ البلد أو إمام الجامع أو أبونا في الكنيسة او الأستاذ أو الدكتور نوارة العيلة ............... دول أصحاب نظرية هما اللى قالولي وفي أصحاب نظرية أبجني تجدني ........ الفلوس ودول برده موجودين لو تجاهلناهم نبقى بنضحك على نفسنا ونسبتهم أكيد حتبقى مؤثرة وطبعا المصريين اللى مش موجودين في الأتوبيس في الفترة دى ( المصريين في الخارج ) مش حيعرفوا ينتخبوا يعني ماعرفوش ينتخبوا في الإستفتاء اللى هو نعم او لا حينتخبوا انتخابات برلمانية اعتقد مستحيل ده آخرهم انتخابات رئاسة وأعتقد حيطنشوهم
8- مش مهم ادينا قاعدين في الاتوبيس مستنيين وياخبر النهارده بفلوس بكرة يبقى ببلاش وبكرة تتلزق على الأتوبيس شعارات الإنتخابات وحيبان الناس بتفكر ازاي والمرشحين ظروفهم ايه وفتحي سرور حيرشح نفسه ولا لأ ولو رشح نفسه ممكن يكسب ؟!!!
مش مهم المهم انه لو كسب عادي هي دي الديمقراطية
عموما لو باظت اعتقد نطلع بالاتوبيس على شرم الشيخ ونطلع غلنا في واحد انتم عارفينه واهو نصيف بالمرة
الشعب يريد ال snorkeling
المهم القائد والمقربين والحزب بتاعه كان قاعدين في 3\4 الاتوبيس وبقية الشعب قاعد في الربع والشعب كان راضي وقنوع على فكرة مع انه اتزنق واتخنأ والقائد لامهم علشان الزيادة السكانية بس برده كانوا ساكتين لغاية ما قررت مجموعة انه لأ وان الوضع ده غلط وقرروا ينزلوا من الاتوبيس وقعدوا في الطريق وقالوا مش مكملين احنا زهقنا من الراجل ده لانه مش عارف يسوق وكمان بيخلي ابنه يسوق وحيدخل بينا في حارة سد
جزء كبير من ركاب الاتوبيس اقتنع برأيهم ونزل معاهم وكمان التفكير الحكيم لقائد الأتوبيس والناس بتاعته ساعد على ده لأن حلوله تمثلت انه كان يدوس عليهم او يمشي ويسيبهم لان ده الاتوبيس بتاعه
وجزء ثاني من الركاب اتضايق منهم لأنهم لما نزلوا والأتوبيس وقف خرجت المساجين اللى كانت محبوسه في سجن الاتوبيس وبقى الاتوبيس مش أمان لأنه اتوبيس إلكتروني يا جماعة اول ما وقف السجون فتحت اوتوماتيك انتم ناسيين انه اتوبيس الحكومة الإلكترونية
مش حاطول عليكم في الآخر و بالعافية قام قائد الأتوبيس من على كرسي القيادة وقعد على الكرسي اللى جنب الشباك عشان يشم ريحة البحر وبدأنا مرحلة جديدة
1- الشعب قرر ينتشر في الاتوبيس لان الربع كان ضيق قوي بصراحة واللى كانوا قاعدين في الكراسي الواسعة في ناس عرفت تنزل بدري بدري وناس في السجن وناس مستخبيين في الزحمة
2- كل اتوبيس وليه كتالوج يا جماعة اسمه الدستور يعني بيحدد قدرات الاتوبيس وسرعته وحنمشي في اي طريق ومين اللى حينظم العملية دي كده يعني وطبعا احنا كنا عايزيين نلغي كل الكتالوج ده ونعمل واحد جديد بس في ناس اعترضت وقالت كده حنضطر نوقف الاتوبيس تاني وده حيعطل البلد احنا نغير شوية مواد اساسية ونمشى كده براحتنا على سرعة 40 ونبقى نغير الباقي واحنا ماشيين علشان مانتعطلش وفعلا اتعمل استفتاء على ده والناس قالت yessssssssssssssss
3- الناس اللى قالت لا ماكانوش مقتنعين بالمبدأ ده هما كانوا شايفين ان مفيش مشكلة لو وقفنا كام ساعة وممكن مانضطرش نقف خالص ونغير مرة واحده ونخلص ونمشي بقه في الطريق الصح من الاول بدل ماندخل في طريق غلط في النص وساعتها حنتعطل اكثر
4 - في ناس للأسف ماكنتش عارفة تقول ايه وفي ناس كسلت تفهمهم واتبعوا مبدأ الغاية تبرر الوسيلة يعني قولوا نعم علشان الإستقرار أو علشان تنصروا الإسلام أو علشان كل الناس الكويسة بتقول لا والوحشين بيقولوا اه وبرده قولوا لا علشان دم الشهداء وعلشان الإخوان قالوا اه وعلشان تقول لأ مرة في حياتك المهم في الآخر راح قال لا أو نعم علشان ........... هما اللى قالولي
5- عموما الامر الواقع ان النتيجة نعم ولازم نتقبل ده ونتعامل معاه لأن في الآخر الاغلبية الصامتة او الكاسحة قالت كده وبعدين حنعمل ايه بقه اقولكم حنعمل انتخابات برلمانية ورئاسية علشان نقدر نعمل دستور جديد حتكون ميزته ان اللجنة اللى حتعمله منتخبة يعني بتعبر عن الشعب بس المهم ان الاغلبية اللى حتختار المجلس تروح تقول اللى هي عايزة تقوله مش اللى بيقولولها تقوله ونتخلص من جملة هما اللى قالولي ............ ما علينا
6- المشكلة بقه ان الجيش بيقول ان دستور 71 ملوش وجود وحنشتغل باعلان دستوري مؤقت لغاية ما تتم الإنتخابات بس قواعد الإنتخابات البرلمانية موجودة في الدستور يعني مثلا الدستور بيحدد ان نص الأعضاء المنتخبين في مجلس الشعب و مجلس الشورى عمال وفلاحين وعدد الدوائر الإنتخابية والشروط الواجب توافرها في المرشح و الرئيس حيعين كام عضو فهل الإعلان الدستوري حيغطي النقط دي وبعد ما يتم تغيير الدستور والشروط دي ممكن تتغير هل حيبقى في اعضاء وجودهم غير شرعي طيب ساعتها حنعمل ايه حنعمل مجلس شعب و شورى ثاني وانتخابات ثانية ولا حنتغاضى عن اي تغييرات تخص الموضوع ده !!!!!!!!!!!!!!
7- مش مهم المهم ان الناس مبسوطة وفي انتخابات برلمانية قريب والناس حتبدأ تحضر نفسها بقة ده تقريباً اهم برلمان في تاريخ مصر ده اللى حيحط الدستور حيبقى في صراع ومنافسة شرسة في البرلمان ده من كل الفئات وبكل الطرق وفي ناس حتختار بهدوء وتفكر في الأصلح وفي ناس مش حتعرف تختار مين وحتحتار وحتستنى حد يقولها يعني شيخ البلد أو إمام الجامع أو أبونا في الكنيسة او الأستاذ أو الدكتور نوارة العيلة ............... دول أصحاب نظرية هما اللى قالولي وفي أصحاب نظرية أبجني تجدني ........ الفلوس ودول برده موجودين لو تجاهلناهم نبقى بنضحك على نفسنا ونسبتهم أكيد حتبقى مؤثرة وطبعا المصريين اللى مش موجودين في الأتوبيس في الفترة دى ( المصريين في الخارج ) مش حيعرفوا ينتخبوا يعني ماعرفوش ينتخبوا في الإستفتاء اللى هو نعم او لا حينتخبوا انتخابات برلمانية اعتقد مستحيل ده آخرهم انتخابات رئاسة وأعتقد حيطنشوهم
8- مش مهم ادينا قاعدين في الاتوبيس مستنيين وياخبر النهارده بفلوس بكرة يبقى ببلاش وبكرة تتلزق على الأتوبيس شعارات الإنتخابات وحيبان الناس بتفكر ازاي والمرشحين ظروفهم ايه وفتحي سرور حيرشح نفسه ولا لأ ولو رشح نفسه ممكن يكسب ؟!!!
مش مهم المهم انه لو كسب عادي هي دي الديمقراطية
عموما لو باظت اعتقد نطلع بالاتوبيس على شرم الشيخ ونطلع غلنا في واحد انتم عارفينه واهو نصيف بالمرة
الشعب يريد ال snorkeling
ليست هناك تعليقات:
إرسال تعليق