اتصورت جنب الدبابة ولا ماتصورتش جنب الدبابة ؟؟!!!!!
بعد نزول الجيش للشارع ناس كثير اتصورت جنب الدبابة وإتملى الفيس بوك بصور الناس والدبابات ....... بداية من اللى وقف ببساطة جنب الدبابة وإهتم إنه ياخذ صورة للذكرى أهم حاجه فيها إن الدبابة في الكادر لغاية اللى اتصور جنب الدبابة من كل الزوايا تقريباً وعمل شير لألبوم الدبابة !!!!!!!
وطبيعي بعدها ظهر ناس ثانية ضد التصوير جنب الدبابة وبدأت تظهر صفحات على الفيس بوك " أنا ماتصورتش جنب الدبابة " أنا جدع !!!!!!!!!!!!!!
وكأن صورة الدبابة هي الفرق بين الناس العاقلة والناس الهايفة مع إن ممكن جداً اللى اتصور جنب الدبابة يكون كان نايم في البرد في التحرير وانضرب عليه مولوتوف أو شخص مثقف ليه قراءاته السياسية والتاريخية أو حتى شخص عادي بيروح شغله الصبح ويرجع يتغذى وياكل بطيخ وينام بس مش هايف وممكن برده يكون كان قاعد في البيت بيتفرج على هانا مونتانا ولما شاف الدبابة من البلكونة نزل اتصور ورجع كمل فرجه على المسلسل ........ فأكيد صورة الدبابة مش هي الفيصل
وإلا بقه نبدأ نحلل نفسية اللى اتصور وأسباب وقوفه علشان يتصور جنب الدبابة هل هي أسباب وطنية ولا لأ
ويا ترى لما إتصور إتصور روشنه علشان يحطها على البروفايل بتاعه ولا علشان يفرجها لأحفاده لما يكبر ويقولهم يا ولاد دي صورتي مع الدبابة لما كنت مع الفدائيين في التحرير سواء كان راح أو ماراحش !!!!!!! ولا مجرد صورة عادية لأنه ببساطة أول مرة يشوف دبابة ............ قبل الصورة كنا بنتصور جنب حسن شحاته وتمثال رمسيس وسمكة القرش الكبيرة وبعد الثورة بنتصور جنب الدبابة
أنا شايفاه موضوع عادي وجايز إذا كنت في مصر كنت خليت بنتي تقعد فوق الدبابة وغلست على المجند وخليته يشيل إبني وصورتهم مع الدبابة
هي الفكرة مش مسألة صورة جنب دبابة أو لأ الفكرة ساعة الجد مين حنشوفه جنب الدبابة ومين حيقعد في البيت يتفرج على هانا مونتانا وميلودي أفلام ............
أيوه ناس ليها سينا وناس ليها سونيا
بعد نزول الجيش للشارع ناس كثير اتصورت جنب الدبابة وإتملى الفيس بوك بصور الناس والدبابات ....... بداية من اللى وقف ببساطة جنب الدبابة وإهتم إنه ياخذ صورة للذكرى أهم حاجه فيها إن الدبابة في الكادر لغاية اللى اتصور جنب الدبابة من كل الزوايا تقريباً وعمل شير لألبوم الدبابة !!!!!!!
وطبيعي بعدها ظهر ناس ثانية ضد التصوير جنب الدبابة وبدأت تظهر صفحات على الفيس بوك " أنا ماتصورتش جنب الدبابة " أنا جدع !!!!!!!!!!!!!!
وكأن صورة الدبابة هي الفرق بين الناس العاقلة والناس الهايفة مع إن ممكن جداً اللى اتصور جنب الدبابة يكون كان نايم في البرد في التحرير وانضرب عليه مولوتوف أو شخص مثقف ليه قراءاته السياسية والتاريخية أو حتى شخص عادي بيروح شغله الصبح ويرجع يتغذى وياكل بطيخ وينام بس مش هايف وممكن برده يكون كان قاعد في البيت بيتفرج على هانا مونتانا ولما شاف الدبابة من البلكونة نزل اتصور ورجع كمل فرجه على المسلسل ........ فأكيد صورة الدبابة مش هي الفيصل
وإلا بقه نبدأ نحلل نفسية اللى اتصور وأسباب وقوفه علشان يتصور جنب الدبابة هل هي أسباب وطنية ولا لأ
ويا ترى لما إتصور إتصور روشنه علشان يحطها على البروفايل بتاعه ولا علشان يفرجها لأحفاده لما يكبر ويقولهم يا ولاد دي صورتي مع الدبابة لما كنت مع الفدائيين في التحرير سواء كان راح أو ماراحش !!!!!!! ولا مجرد صورة عادية لأنه ببساطة أول مرة يشوف دبابة ............ قبل الصورة كنا بنتصور جنب حسن شحاته وتمثال رمسيس وسمكة القرش الكبيرة وبعد الثورة بنتصور جنب الدبابة
أنا شايفاه موضوع عادي وجايز إذا كنت في مصر كنت خليت بنتي تقعد فوق الدبابة وغلست على المجند وخليته يشيل إبني وصورتهم مع الدبابة
هي الفكرة مش مسألة صورة جنب دبابة أو لأ الفكرة ساعة الجد مين حنشوفه جنب الدبابة ومين حيقعد في البيت يتفرج على هانا مونتانا وميلودي أفلام ............
أيوه ناس ليها سينا وناس ليها سونيا
ليست هناك تعليقات:
إرسال تعليق